weaving the wind

tuesday,november 3, 2009 വഴിവക്കിലെ നിന്റെ വീട് നോക്കി നിന്നുപോയിട്ടുണ്ട്  പലപ്പോഴും... കുട്ടികൾ കുത്തിമറിയുന്നതിന്റെയും  അടുക്കളപ്പണിയുടെയും ബഹളം, വിരുന്നുകാരുടെ കൂട്ടച്ചിരി, ബിരിയാണി മണം... രാത്രി നിറയെ ലൈറ്റിട്ട വീട്. ഇന്നലെ ആ വഴിക്കു വരുമ്പോൾ വീട് മൂകമായിരുന്നു. ഇരുട്ടിലായിരുന്നു  ജനലും വാതിലും അടഞ്ഞിരുന്നു  ഉമ്മറത്തെ വെട്ടിയൊതുക്കിയ ബോഗൻവില്ല , ടെറസ്സിലേക്കു കാടായി വളർന്നിരുന്നു, ഉപ്പാനോ  മൂങ്ങയോ വാവലോ തേളോ  കയ്യേറിയിരുന്നു നിന്റെ വീടിനെ... ആരോ പറഞ്ഞു കേട്ടു, സാധനങ്ങൾ പെറുക്കാൻ വന്ന  ഒരു ആക്രിക്കാരൻ  എല്ലാം കൊണ്ടുപോയെന്ന്, ചിരിയും ബഹളവും തമാശയുമെല്ലാം. ( Posted by sarmila at 12:44 am, 5 comments)

Wednesday, November 11,2009 ഓരോ പോക്കറ്റ് റോഡുകളിൽ നിന്നും അവ നിരന്തരമായി പാഞ്ഞുവന്ന് ബ്രേക്കിട്ടുകൊണ്ടിരുന്നു, അനുസരണയില്ലാത്ത ഓർമ്മകൾ പരിസരബോധമില്ലാത്ത തെമ്മാടികൾ ഒന്നൊന്നിനെ മറികടന്ന്, തിക്കും തിരക്കുമായി, ഇപ്പോൾ ഹൈവേ ട്രാഫിക് ജാമിൽ പെട്ട് ചത്തുകിടക്കുകയാണ്. ( Posted by sarmila at 11:55 pm, 2 comments)

Saterday, October 31,2009 പച്ചപ്പിനുള്ളിലൂടെ കത്തി കത്തി വരുന്ന വെയിലിൽ, മരച്ചോട്ടിൽ ഒറ്റയ്ക്ക്, നിശ്ശബ്ദതയിൽ കൊത്തിയെടുത്ത രൂപം പോലെ, ചാഞ്ഞു മയങ്ങുന്ന പെണ്ണേ, ഏതു സ്വപ്നത്തിന്റെ മോഹവലയത്തിലാണ് നീയിങ്ങനെ നാലുപാടും മറന്ന് സമയവും കാലവും തെറ്റിച്ച്, മതിമറക്കുന്നത് ! ( posted by sarmila at 10 :34 pm )

നിഴലനക്കം കേട്ട് വെറുതെ നോക്കുന്നേരം വിരിഞ്ഞു വന്നു രണ്ടു കണ്ണുകൾ രണ്ടു ജലവിതാനങ്ങൾ, ഓലമടങ്ങി, ഇപ്പോൾ നിലക്കണ്ണാടി പോലുണ്ട്, മുഖം മിനുക്കാം, ആഴമെത്രയുണ്ടാവും ! പെറുവിരലൂന്നി ഏന്തിനോക്കി, അടിത്തട്ടിലെന്തോ തിളങ്ങുന്നുണ്ടായിരുന്നു. വീണുകിടന്നിരുന്നു, നിലാവിന്റെ ഒരു തുണ്ട് . ( POSTED BY SARMILA AT 4: 09 AM)

തൊണ്ട വരണ്ടോ ? ദാഹം തീർക്കാൻ മേശപ്പുറത്തുണ്ട് നിറഞ്ഞു തുളുമ്പുന്നു ഒരു ഗ്ലാസ് ബോറടി... ചിയേഴ്സ്... ( posted by sarmila at 4 :44 AM )

It was an obscure gloomy night, Road was hidden among shadows, i saw a small star falling down, along the slope of a forest of clouds visible in the sky at that time... A half lit moon also was there, and i just wondered, what for i am sad still!